ЗАВХАН АЙМАГ

САНТМАРГАЗ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТЭРГҮҮЛЭГЧДИЙН ТОГТООЛ

2021 оны 06 дугаар сарын 21-ний өдөр                                           Дугаар 26                                                                         Холбоо

Төрийн шагналд уламжлах тухай

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20.1.8, 22 дугаар зүйлийн 22.1.15, 25 дугаар зүйлийн 25.1, Монгол улсын Ерөнхийлөгчийн 1999 оны 71 дүгээр зарлигаар батлагдсан “Монгол Улсын цол хүртээх, одон медалиар шагнах журам”-ын 2.8 дахь заалтуудыг үндэслэн сумын Иргэдийн Төлөөлөгчдийн Хурлын Тэргүүлэгчдээс ТОГТООХ НЬ:

1. Сум орон нутгийнхаа хөгжил цэцэглэлтэнд үнэтэй хувь нэмэр оруулж, олон жил үр бүтээлтэй ажилласан Ралхжавын Батсүхийг “Хөдөлмөрийн гавьяаны улаан тугийн одон”-оор, Сайннямбын Дашдэмбэрэл, Сурмаажавын Тэрвээ нарыг “Алтан гадас одон”-оор шагнуулахаар уламжилсугай.
2. Эдгээр хүмүүсийн материалыг Төрийн одон медалиар шагнуулах журмын дагуу бүрдүүлж, аймгийн Төрийн Захиргаа Удирдлагын Хэлтсийн Төрийн шагнал хариуцсан мэргэжилтэнд хүргүүлэхийг сумын Засаг даргын үүрэг гүйцэтгэгч М.Өнөржаргалд даалгасугай.
3. Энэ тогтоолын хэрэгжилтэнд хяналт тавьж ажиллахыг Иргэдийн Төлөөлөгчдийн Хурлын Тэргүүлэгчдийн нарийн бичгийн даргыг түр орлон гүйцэтгэгч В.Мөнх-Уянгад үүрэг болгосугай.

ДАРГА                                   Т.ХАТАНБААТАР