ЗАВХАН АЙМАГ
САНТМАРГАЗ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТЭРГҮҮЛЭГЧДИЙН ТОГТООЛ
2021 оны 03 дугаар сарын 05-ны өдөр Дугаар 12 Холбоо
“Алдарт эх”-ийн одонгоор шагнуулах тухай
Монгол Улсын засаг захиргаа, нутаг дэвсгэрийн нэгж түүний удирдлагын тухай хуулийн 20 дугаар зүйлийн 20.1.8 дахь заалт, Олон хүүхэд төрүүлж өсгөсөн эхийг урамшуулах тухай хуулийн 4 дүгээр зүйлийн 4.1.1, 4.1.2 дахь заалтыг тус тус үндэслэн сумын Иргэдийн Төлөөлөгчдийн Хурлын Тэргүүлэгчдээс ТОГТООХ НЬ:
- Тус сумын Баяннуур багийн иргэн Отгонбаатрын Цогзолсүрэнг “Алдарт эх”-ийн I зэргийн одонгоор, Холбоо багийн иргэн Бинъяагийн Норов, Баян-Улаан багийн иргэн Жамъянжавын Бүрэнжаргал нарыг “Алдарт эх”-ийн II зэргийн одонгоор тус тус шагнаж урамшуулахаар дэмжсүгэй.
- Дээрх эхчүүдийн материалыг холбогдох зааврын дагуу бүрдүүлж аймгийн Төрийн Захиргаа Удирдлагын Хэлтсийн Төрийн шагнал хариуцсан мэргэжилтэнд хүргүүлэхийг сумын Засаг даргын үүрэг гүйцэтгэгч М.Өнөржаргалд даалгасугай.
- Тогтоолын хэрэгжилтэнд хяналт тавьж ажиллахыг Иргэдийн Төлөөлөгчдийн Хурлын Тэргүүлэгчдийн нарийн бичгийн даргыг түр орлон гүйцэтгэгч В.Мөнх-Уянгад үүрэг болгосугай.
ДАРГА Т.ХАТАНБААТАР